SJN ստանդարտի պրոտոկոլի մասին
SJN-ը (Smart Justice Network) հանգույցների (Node) ցանցի վրա հիմնված մի խումբ ստանդարտների հավաքածու է, որը միավորում է տարբեր տեսակի տվյալների կենտրոնները մեկ միասնական ցանցի մեջ և դարձնում դրանց ցանցի հանգույց։ Այն օգնում է անձանց ստանալ իրենց հուզող հարցերի պատասխանները և լուծել միմյանց միջև ծագած իրավական խնդիրները։
SJN համակարգման կենտրոններ
Հանգույցների միջև համագործակցության համակարգում և ընդհանուր կառավարում։
Իրավական տեղեկատվական պորտալ (Unilex)
Մուտքի հարթակ, որը կապում է անձանց և օրենսդրական մարմիններին։ Հնարավորություն է տալիս իրականացնել դատական գործերի որոնում, ինչպես նաև փաստաբանների գրանցում ու որոնում՝ ըստ մասնագիտացումների։
Իրավաբանական գրասենյակների կառավարման կենտրոն
«Իրավական գործերի կառավարման համակարգ»՝ նախատեսված փաստաբանների, փաստաբանական ընկերությունների և կազմակերպությունների իրավաբանական բաժինների համար։
Անձ-Փաստաբան հարթակ
Թվային հարթակ, որը կապող օղակ է անձի և իր խնդրին համապատասխան մասնագիտացած փաստաբանի միջև։ Այն ապահովում է փաստաբանի ընտրություն՝ ըստ վարկանիշի, համագործակցության պայմանագրի կնքում և գործի թափանցիկ վարում մեկ միջավայրում։
Խելացի անձնական իրավական տիրույթ կենտրոն (ԽԻՏ)
Ֆիզիկական կամ իրավաբանական անձի անձնական տվյալների անվտանգ պահպանման և համակարգման հարթակ՝ գործող անվտանգության և գաղտնիության չափանիշներին համապատասխան։
Աուդիո, լուսանկարի և տեսանյութի ավտոմատացված վերլուծության անալիտիկ կենտրոն
SJN հանգույց՝ աուդիո, լուսանկարի և տեսանյութի ավտոմատացված վերլուծության համար՝ արհեստական բանականության միջոցով։ Ապահովում է խոսքի ու պատկերից տեքստի ճանաչում և բովանդակային ու իրավաբանական վերլուծություն՝ ինտեգրվելով SJN մյուս հանգույցներին։
Առևտրային հարթակ
SJN ցանցի հանգույց՝ առևտրային հարաբերությունների և գործարքների համար, որտեղ մասնակիցներն ու առաջարկները դասակարգվում են երկու հիմնական չափանիշով՝ սոցիալական դասակարգիչ (լեզվամշակութային պատկանելություն, Language culture) և տարածք (գտնվելու վայր, Place)։ Այս մոտեցումը թույլ է տալիս ձևավորել նպատակային առևտրային կապեր, ապահովել գործարքների թափանցիկությունն ու իրավական պաշտպանվածությունը՝ ինտեգրվելով SJN մյուս հանգույցներին։
Հարաբերությունների կառավարման կենտրոններ
SJN հանգույց՝ ցանցի մասնակիցների միջև հարաբերությունների կառավարման համար։ Ապահովում է կապերի, համագործակցությունների և փոխազդեցությունների համակարգված վարումը՝ օգնելով կողմերին կառուցել երկարաժամկետ ու վստահելի հարաբերություններ և ինտեգրվել SJN մյուս հանգույցներին։
Պետական դատարաններ
Պետական դատական համակարգը, որը հանդես է գալիս որպես SJN ցանցի առանձին հանգույց՝ իրավական վեճերի պաշտոնական լուծման համար։ Այն ապահովում է գործերի ու ապացույցների էլեկտրոնային ընդունումը և դատական որոշումների հասանելիությունը ցանցում։
Արբիտրաժային դատարաններ
Արբիտրաժային դատարանները ինտեգրվում են SJN հարթակին որպես առանձին հանգույց՝ կողմերի միջև ծագած վեճերի արագ և անկախ լուծման համար։ Դրանք հնարավորություն են տալիս կարգավորել վեճը հենց հարթակի ներսում՝ ապահովելով օրինական և պարտադիր որոշում։
Հաշտարարական գրասենյակներ
Հաշտարարական գրասենյակները նպաստում են կողմերի միջև վեճերի խաղաղ, արտադատական կարգավորմանը՝ փոխադարձ համաձայնության հիման վրա։ Որպես ցանցի հանգույց՝ դրանք առաջարկում են վեճի լուծման ավելի ճկուն և արագ այլընտրանք։
Հարկադիր կատարման կենտրոններ
Հարկադիր կատարման կենտրոնները ապահովում են ընդունված դատական և արբիտրաժային որոշումների գործնական կատարումը։ Որպես SJN հանգույց՝ դրանք փակում են իրավական գործընթացի շղթան՝ երաշխավորելով, որ որոշումները վերածվեն իրական արդյունքի։
SJN հարթակը ապահովում է անձնական տվյալների պաշտպանության ավելի բարձր մակարդակ՝ դրանք դարձնելով առավել ապահով և անվտանգ, ինչպես նաև պահում է դրանք համակարգված ձևով։ Համակարգված տվյալների հիման վրա ձևավորվում են էլեկտրոնային ստորագրությամբ հաստատված փաստեր ու ապացույցներ, որոնք ունեն ապացուցողական ուժ և հետագայում կօգնեն փաստաբանին խնդիրը արդյունավետ կերպով լուծելու համար։ Միևնույն ժամանակ հարթակը հնարավորություն է ընձեռում ընտրելու տվյալ խնդրին առավել համապատասխան որակավորում և վարկանիշ ունեցող փաստաբան՝ ապահովելով թափանցիկ, հաշվետու և վստահելի իրավական համագործակցություն։
SJN մասնակից խմբեր
SJN հարթակը միավորում է իրավական և բիզնես ոլորտի տարբեր կազմակերպություններ ու կառույցներ։ Հարթակին կարող են միանալ նաև տարբեր IT ընկերություններ՝ ստեղծելով սեփական «Խելացի անձնական տիրույթ», որը կդառնա SJN-ի հանգույցներից մեկը։
Բիզնես խմբեր
IT ոլորտի կազմակերպությունները հնարավորություն ունեն ձևավորելու սեփական «Խելացի անձնական տիրույթ» հանգույցներ և լիարժեք ինտեգրվելու SJN հարթակի մեջ։
Փաստաբանական գրասենյակներ
Փաստաբանական գրասենյակներն ու իրավաբանական կազմակերպությունները կարող են ինտեգրվել SJN հարթակին՝ ընդլայնելով իրենց մասնագիտական ծառայությունների հասանելիությունը թվային միջավայրում։
Արբիտրաժային դատարաններ
Արբիտրաժային դատարանները կարող են ինտեգրվել SJN հարթակին որպես առանձին հանգույց՝ նպաստելով վեճերի լուծման գործընթացների արագացմանն ու թվայնացմանը։
Նպաստեք SJN ստանդարտների զարգացմանը
Մեզ անհրաժեշտ է Ձեզ նման անհատների և կազմակերպությունների աջակցությունը, ովքեր կիսում են մեր արժեքները։ Ձեր աջակցությունը մեծ նշանակություն ունի մեր՝ որպես հանրային շահի ոչ առևտրային կազմակերպության գործունեության համար և օգնում է իրականացնել մեր տեսլականը։
Ինչո՞ւ աջակցել SJN-ին
Այս հարթակի նպատակն է ՀՀ-ում ձևավորել իրավական և թվային կառավարման նոր մշակույթ։ Մենք համոզված ենք, որ նախագիծը կարող է Հայաստանը դարձնել legal tech ոլորտում առաջատար և միջազգային մակարդակով մրցունակ երկիր։
Աջակցեք մեզՏեխնիկական կառուցվածքը
SJN-ը կառուցված է փոխգործակցող հանգույցների տրամաբանությամբ՝ ապահովելով անվտանգ, կազմակերպված և մասշտաբավորվող իրավական թվային միջավայր։